जिनगी मे एगो कहानी आइल
लड़ीकाइए मे देखीं जवानी आइल
बारहूँ व्यंजन के बाखरा जब लागल
बस हिस्सा मे हमरा पानी आइल।
तब पेशा आपन खानदानी आइल
एके लरे सभके जबानी आइल
जेकर लाठी ओ बेरा रहल ताकतवर
पंचित मे ओकरे मनमानी आइल।
बारहूँ व्यंजन के बाखरा जब लागल
बस हिस्सा मे हमरा पानी आइल।
कोर्ट कचहरी अउर दीवानी आइल
पुलिस दारोगा के चानी आइल
रहे दू चार कट्ठा बान्हें रखाइल
तब सभका के इयाद नानी आइल।
बारहूँ व्यंजन के बाखरा जब लागल
बस हिस्सा मे हमरा पानी आइल।
