शिक्षा से पूरा अरमान होला

शिक्षा से पूरा अरमान होला,
जिनगी के रहिआ,आसान होला ।
ना नुकूर करे ला जे शिक्षा से ,
बबुआ हो उहे परेशान होला ।

पढाई के समय बा पढ़ीं ।
जिनिगीआ खराब मत करीं।
दामिल बा मिलल समईआ ,
बचाईं बर्बाद मत करीं।

जगा लीं किस्मत होशियार बनीं।
बदल दीं आदत असरदार बनीं।
दोष त ‘प्यासा’ सब सुभाव में बा,
बात के समझीं समझदार बनी।


भरे मन में उजिआरा उ पढ़ाई ह।
करे दूर अंधिआरा उ पढ़ाई ह।
समझ आवे भाव सही अरु गलत के
दूख दूर करे सारा उ पढ़ाई ह।