जिनगी के का-का तमाशा देखावे जरूरत

जिनगी के का-का तमाशा देखावे जरूरत,
कबो हँसावे त कबो ई रोवावे जरूरत।

​शेर जंगल के त राजा हवे बाकिर इहाँ,
अब सियारो के गद्दी प बइठावे जरूरत।

​महल के चाहत में रस्ता भुला गइनी हम,
अब त झोपड़िउ में नेह के जगावे जरूरत।

जरूर पढ़ें

कुहुके करेजवा में हमरो करेजवा, एजवा मारिये दिहलs

चलत जबले जिनगी के गाड़ी रहे

कईसे हम ईद मनवनी ह

​राह जोहत ही नेह के दियना बुता गइल,
अब फालतू में काहें के हाथ जलावे जरूरत।

​बा शतरंज के बिछौना ई सगरो जहान,
इहाँ अपने के ही मोहरा बनावे जरूरत।

​जब मिले ना उजियार राह में ‘भावुक’ कहीं,
तब त खुद के ही सूरज बनावे जरूरत।