चोट खा-खा के जिनिगी – कुमार अजय सिंह

चोट खा-खा के जिनिगी, ई घाही बनल
लागल भगिया में अगिया, तबाही बनल

जरूर पढ़ें

जतन से गरीबी जोगावल गइल बा

बचपन के हमरा याद के दरपन कहाँ गइल

एक दिन बाद भेंट होइ, नाही केहू अब लेट होइ

घाव बड़हन भइलऽ, ऊ नाऽ जल्दी भरी
जे डुबवलस ऊ मौका पर, हाथ का धरी
ऊ चिन्हलके आदमिया बा, डाही बनल
चोट खा-खा के जिनिगी, ई घाही बनल

लोर ढ़रकत ना पोछत, पूछत केहूए बा
का गुजरत ना तनिको,सोंचत केहूए बा
रहनी जेकरा से दूर हम,उहे दाही बनल
चोट खा-खा के जिनिगी, ई घाही बनल

का करि जी केहु केकरो प,अब विश्वास
खाइके मरला से नीमन, रहलका उपास
जब जमलका हमार अब ऊ, नाहीं रहल
चोट खा-खा के जिनिगी, ई घाही बनल

ना रहिले सर झुकाके, नाहीं रहल चाहीं
बात तनिका भर मनवा के, कहल चाहीं
“अजय” चुपचाप सहल,लरिकाही बनल
चोट खा-खा के जिनिगी, ई घाही बनल