सपना देखत रहनी कि तू आ जइते,
होली बीतल, दीपावली बीतल,
छठवा में आके अरघा दिला जइते।
सारा ओरिया-अजोरिया बा,
एगो हमार घरवा छोड़ के,
काश कि हमरो सावरिया,
अबकी छठ घाटे आ जइते।
घरवा लिपवइनी, सारा सा-सजा करवइनी,
तोहरा बिना सूना बा अंगनवा,
एक झलक देखाई जइते।
हर मन्नत अधूरा बा,
हर जन्नत अधूरा बा,
तोहरा बिना घर के हर परब अधूरा बा।
अब त नयना भी पथरा गइल,
तोहार रहिया देखत-देखत,
लागत बा कि परदेसी सावरिया,
अबकी बरिस ना अइहे,
ना अइहे…