ज्यादा जोगी मठ उजाड़,
आपन डफली आपन राग।
करब ना कुछहूं, जाईब भाग,
मुद्दा नाहीं, बस उजाड़ब बाग।
जब-जब करबा असली बात,
देब नकली गोली हम दाग।
हम ना करब कउनो काट,
रजाई ओढ़ के खोटब साग।
आपन ऊर्जा करब हम खाक,
उठाईब नाहिं कब्बो पढ़ावें के चाक।
रहब हमेशा दूजे के ताक,
हरदम देखब बगले झांक।
फिर भी रहब हम सबसे पाक,
नाहिं लगाईब कबहुं मुंह पे लाक।
जय-जय गाईब चाहे हो नौकरी राख,
काटब जेप्पर, बैठब उहे साख।
कुतरब हम अपनन क पांख,
करब बुराई चाहे हो अच्छाई लाख।
चिकना घड़ा हई, नाहिं मानब माख,
करब बढ़ाई अपने आका क, हर मुद्दा रखके ताख।
बहुत ही सुंदर व्यंग रचना बा। बहुत बहुत शुभकामना।
आपके धन्यवाद बा