चहकेला घरवा दुआरवा हो रामा अइलें सजनवाँ

चहकेला घरवा दुआरवा हो रामा
अइलें सजनवाँ

रचि रचि धनिया भोज बनवली
सोने के थाल में जेवना सजवली
जेवेलें बारहों बिजनवाँ हो रामा
अइलें सजनवाँ

बाल गोपाल संघे फुलवो फुलाइल
पेन्ही के पियारिया मन अगराइल
निरखे ले सइंया सेजरिया हो रामा
अइलें सजनवाँ

यह भी पढ़ें

भोजपुरी में बात करीं, वायरल रचनाकर के कइसन निहोरा?

कबो खूब हमके हंसावल गइल

भोजपुरी के फ्लेवर अउर साउथ के स्वैग, ‘डकैत’ बन के धमाका करे खातिर तैयार बाड़े पावर स्टार पवन सिंह!

बात पर बात होता बात ओराते नइखे

पोरे पोरे प्यार सजन बरिसावेलें
ललका गुलाब मोरे जुड़ा में लगावेलें
मारेले तिरछी नजरिया हो रामा
अइलें सजनवाँ

चहकेला घरवा दुआरवा हो रामा
अइलें सजनवाँ