पुरवइया खोज (Search)
पुरवइया Menu
पुरवइया परिवार लॉगिन / जुड़ें
भोजपुरी गीत

देईं ना आशीष छठी मइया, सुखी रहो परिवार

छुट्टी नाहीं मिलल छठी मइया, बाटे सेवखा लाचार।कइसे के आईं रउरी घटिया, रउरा करीं ना विचार। भइल नाहीं छठी के बजरिया, रोवें दुलहिन हमार।नाहीं आइल सूप नारियलवा, नइखे ठेकुआ कसार। पूछेला गंँउआ नगरिया, कइसन नोकरी…
15 नवम्बर, 2026 • 7.2K

छुट्टी नाहीं मिलल छठी मइया, बाटे सेवखा लाचार।
कइसे के आईं रउरी घटिया, रउरा करीं ना विचार।

भइल नाहीं छठी के बजरिया, रोवें दुलहिन हमार।
नाहीं आइल सूप नारियलवा, नइखे ठेकुआ कसार।

पूछेला गंँउआ नगरिया, कइसन नोकरी तोहार।
मिले नाहीं कवनों परबवा, नाहीं छुट्टी अतवार।

हमरो जे बॉस निरदइया, हमके दिहलें बिसार।
रोवे ला घर परिवरवा, झर-झर झरे नैनाधार।

रउरे कृपा छठी मइया, बाटे जीवन के आधार।
देईं ना आशीष छठी मइया, सुखी रहो परिवार।

कठिन शब्द अउर अर्थ

पसंद करने वाले लोग

होम कवि सम्मेलन वीडियो साहित्य अकाउंट