भाई-भाई में जब बँटवारा भइल

भाई-भाई में जब बँटवारा भइल,
पाटीदारन के घरे भण्डारा भइल

माई-बाबू के केहू झूठो ना पुछल
एकही गो रोटी कई खाड़ा भइल.

अमीरी में डाह के धइलस बेमारी,
गरीबी में तऽ प्रेम से गुजारा भइल.

जरूर पढ़ें

माथे पर गमछा सजावल गइल बा

काटेला जे भी दिन बनवास के

देखलीं जे बइठि के दरिया किनारे

देखल ना गइल लोग से ई बढ़न्ती,
घर फुटल, स्वाहा भाईचारा भइल.

उठ गइल आख़िर देवाल अँगना में,
पर- पंचायत जबकि सारा भइल.

नूरैन हेरा गइल ख़ुशी घर से हमरा,
टुवर जइसन आँगन,ओसारा भइल