कबहूँ लिखा सकल ना तहरीर जिन्दगी के

कबहूँ लिखा सकल ना तहरीर जिन्दगी के
कबहूँ पढ़ा सकल ना तकदीर जिन्दगी के

केहू निखोर देले बा घाव सब पुरनका
आवँक में आ रहल ना दुख – पीर जिन्दगी के

जब – जब भरेला छाती साथी के घात से तब
देला सकून आँखिन के नीर जिन्दगी के

जरूर पढ़ें

भाई-भाई में जब बँटवारा भइल

आपन लोग हरावत बाटे

अनपढ़ जाहिल सरकार हो,जिनिगिया बेकार मोर कइले

गोदी से लेके डोली, डोली से लेके अर्थी
अतने में बा समूचा तस्वीर जिन्दगी के

तहरे बदे रहत बा पागल परान ‘भावुक’
तूहीं हिया के थाती, जागीर जिन्दगी के