देखि के बाग के फूल मउरा गइल

देखि के बाग के फूल मउरा गइल।
का भइल आदमी आज बउरा गइल।।

ना रहल आस जब आँखि पर ओकरा।
आँख अछइत कली आज कजरा गइल।।

गाँठ बान्हल गइल गाँछि पर दाबि के।
साँझि ले गाँठि तs खूब अझुरा गइल।।

यह भी पढ़ें

आव एगो नया बस्ती बसावल जाव

दिल कइसे तोहसे हम लगाईं, दिल चुरा लिहलस केहू

रउवा रुठ गइनी तऽ मनाईब कइसे

कवि सम्मेलन में सभकर जुटान बा

काम के ना रही दू नमर धन कबो।
लूट के भोज से देह गदरा गइल।।

घाम में आजु बाड़े घमाइल रघु।
घेरि के साँझि बेरा अब बदरा गइल।।