गाँव के माटी, मन के मीत

गाँव के माटी, मन के मीत,
गावत बा ई, सुंदर गीत।

खेतन में बा, हरियर धान,
बढ़े हमरा, देस के मान।

नदी किनारे, सीतल धार,
बहत बाटे, मन्द बयार।

चिड़िया चहके, गूँजे गान,
भोर भइल अब,तजहुँ मसान।

नीम के पेड़, अउर हरियाली,
झूले झूला, डाली-डाली।

बरगद बाबा, छइयाँ देत,
मेहनत करहीं, सबहूँ खेत।

पगडंडी के, धूर सुहानी,
याद आवे, पुरखा के बानी।

गऊ चरावत, ग्वाला गीत,
साँच रहे ई, जग के रीत।

शाम भइल जब, दीप जलावे,
घर-घर में तब, मंगल छावे।

प्रेम भाव के, बहे बयार,
माटी से बा, गहरा प्यार।

संस्थापक-जय भोजपुरी जय भोजपुरिया, सह सम्पादक- सिरिजन भोजपुरी तिमाही ई पत्रिका श्रीकरपुर,सिवान

"वर्तमान पता-3,प्रिन्सेप लेन कोलकाता शिक्षा - स्नातक मो0 9523825251 (सऊदी अरब में मेकेनिकल टेक्नीशियन के रूप में नोकरी 2011 से 2024 तक )"