याद त अइबे करी घरी-घरी

याद त अइबे करी घरी-घरी,
रिश्ता उ अलगे उफान पर रहल।
नज़र लागल कवने मुदइया के रामा,
बहल नयनन नीर जइसे बरखा रहल।

पिरितिया हम तोहसे लगवले रहीं,
सखी-सहेली में चर्चा कइले रहीं।
बनबऽ तुही मोर राजा ए ‘रघु’,
धीरे से काने माई के बतवले रहीं।

करे के रहल लमहर बात तोहसे,
उ बात अब तक अधूरा रह गइल।
नादान मन सोचले रहल बनी कहानी,
उ बतिया भी आज अधूरा रह गइल।

यह भी पढ़ें

दिन पुरनका आई ना – नूरैन अंसारी

खेदारू के बिआह

रेशम के कीड़ा के तरे खुदहीं बनावत जाल बा

ई बात हवा के खल रहल बा

हाथ रखऽ अपना करेजा पर कबो,
सोचिहऽ कि केकरा में गलती रहल।
सोचिहऽ एहु बात के ए राजा कबो,
काहे हमनी के पेयार अधूरा रह गइल।

एतना पेयार तोहसे हम कइले रहीं,
कबो दोसरा के ना हम सोचले रहीं।
सफर जिनगी कतहीं मिलिहऽ अगर,
देख के अनदेखा ना करिहऽ कहीं।

बात मनले जे रहतऽ हमरों कभी,
कटत जिनगी राजा तोहरे संगे कहीं।
जहाँ रहऽ आबाद रहऽ तू हसीं ख़ुशी,
टूटल करेजवा से भी हरदम दुआ रही।